Poésiades d’expression kabyle-6 eme édition

Tudert n Lbacir Amellaḥ.

Di lekwaɣed ires Civan Lvacir, ilul deg useggas n 1867 deg Icekkaven, yiwet n taddart ger 3 n tiyad i yellan d l3erc n Yimellahen, yeddan tura ar taɣiwant n Fer3un deg asif n Amizur di Vgayet. D mmi-s n Taher Amellaḥ d Ḥefṣa n At Yexlef.
Am igerdan akk n tallit-nni, yelmed ar ccix n taddart leqran, syin, kra qqaren ikemmel almud-is di zzaweyya n Sidi Ssa3id n Izennagen, kra nniḍen qqaren di ljame3 n Sidi Sufi di Vgayet.
D almud i t-yessawḍen ad yuɣal d ccix n taddart-is dɣa yezdeɣ dinna.
Yiwwas kan yuɣal ar usefru d tmedyazt asmi d-yufa iman-is weḥd-s di ljame3 mi d-yessawel ar tẓallit yiwen ur d-yejvi , ziɣ nutni lhan d yiwen n wemnay amerkanti i d-i3eddan di taddart, sma3qilen deg-s ḥettcen-t. Imir i yeḥṣa d akken imezdaɣ ur ṭifen ara akken ilaq di tdeyyanit, iruh s axxam yec3el times yesseḥma abendayer-is ( ssenf tambourin basque) i yejja acḥal aya deg wasmi yuɣal d ccix, yeṭef abrid n tejma3t, mi yewweḍ yewwet abrid, nnejma3en-d Akk lɣaci, argaz, tameṭut , aqcic, ula d izgaren ḥevsen, imi, imir d lawan n tmegra d userwet. Rran-d akk lwelha-nsen ɣer ɣur-s, ad slen i taɣect n ccix, macci d tadanin ma3na d ccna s usefru, imir i sen-yejja awal-a:  » D aya i wen-i3ejben ihi s imezdaɣ n yimellaḥen ».
Ssi Lbacir akken s-ɣɣaren, yemmut deg Icekkaven ass n 26 Dujember deg useggas n 1930.
Aḍris n kamal Bouamara

Nerat-id ar teqvaylit.

Timlilit-agi n tmedyazt ad tilli di tansa-agi

Centre De Loisirs Notre Dame Des Victoires 5900 Pierre De Coubertain H1N1R8 Montréal

Laisser une réponse